13:40

Gürcüstanda üç pasiyent koronavirus şübhəsi ilə həkim nəzarətinə götürülüb.

Report xəbər verir ki, bunu Gürcüstanın Xəstəliklərə Nəzarət və İctimai Sağlamlıq Milli Mərkəzinin rəhbəri Amiran Qamkrelidze bildirib.

O deyib ki, ölkədə koronavirusa yoluxma halı qeydə alınmayıb.

Gürcüstanın məcburi köçkünlərin işləri, əmək, səhiyyə və sosial müdafiə naziri Ekaterine Tikaradze öz növbəsində bildirib ki, ölkədə koronavirusla bağlı mübarizə üçün tələb olunan bütün resurslar var.

Nazirin sözlərinə görə, üç pasiyentlə bağlı analiz nümunələri Almaniyaya göndərilib və sabah yekun nəticələr məlum olacaq.

***

Gürcüstanda koronavirus şübhəsi ilə xəstəxanaya yerləşdirilən pasiyentlərin sayı dördə çatıb.

Çindən tranzitlə Gürcüstana səfər edən şəxs Tiflis Yoluxucu Xəstəliklər Xəstəxanasına yerləşdirilib.

O, digər xəstələrdən izolyasiya olunub.