Ana səhifə Planet |
"Qərbin adamı, amerikapərəst Raffi Ovanisyan hazırda diaspor ilə işləmək üçün çox böyük səy göstərir".
Bu sözləri Axar.az-a açıqlamasında ermənişünas İsmayıl Tanrıverdi deyib.
Onun sözlərinə görə, əslən amerikalı olan bu şəxs Qarabağ müharibəsi illərindən sonra Ermənistana gələrək bir çox yüksək vəzifələrdə çalışıb, indi də diaspor arzusundadır:
"Hazırda Ermənistanda ona inam daha çoxdur. Ermənistanın ikinci şəhəri Gümrü, üçüncü şəhəri olan Vanazorda Ovanisyanı daha çox dəstəkləyirlər. İndi bu ölkədə yeganə ikinci namizəd Raffi Ovanisyandır. Ancaq məsələ orasındadır ki, bu cür real və güclü namizədin Ermənistanda ağalıq etməsinə Kreml heç vaxt imkan verməyəcək. Sərkisyan hakimiyyətdə hələ ki, müddəti bitənə kimi qala biləcək. Yəni 3 il. Hər şey baş tutacaq bu son mitinqlərdən asılı olacaq. Çünki ermənilərin iqtisadi vəziyyəti hədsiz pisləşib və əhalinin səbir kasası artıq dolub. Buna görə də hesab edirəm ki, əhali ayağa qalxsa, mütləq özünə yeni prezident seçəcək. Əksəriyyət - 90 faiz, hətta 95 faiz indiki hakimiyyətin - Sərkisyanın getməsinin tərəfdarıdır. Sərkisyanı dəstəkləyən isə hazırda onun ətrafında olan 25-30 nəfər milyonçu deputatdır. Hesab edirəm ki, İrəvanda əsas həlledici məqam bu mitinqlərdən sonrakı dövrdə olacaq".
Tarix
2015.02.25 / 08:30
|
Müəllif
Aygün Yusibova
|