Bu qəsəbə Atakama səhrasında yerləşir.

Axar.az xəbər verir ki, Perunun Atakama səhrasında salınan heyrətamiz qəsəbə görənləri sözün həqiqi mənasında heyrətə salır.

Huacacina adı verilən qəsəbədə 96 sakinin məskunlaşdığı bildirilib.

Qəsəbə sakinlərinin səhra qumundan müxtəlif məhsullar hazırladığı deyilir. Bundan əlavə qəsəbənin ətrafında gölün olması sakinlərin turizm baxımından gəlirinə müsbət təsir edir. Həmçinin bu gölün müxtəlif xəstəliklərin müalicəsində faydalı olduğu da iddia edilir.

Qeyd edək ki, qəsəbə Peru Milli Mədəniyyət İnstitutu tərəfindən mədəniyyət mirası olaraq elan edilib.