Yuxarı

Nyu-Meksika və Nyu-Yorkdan Azərbaycana dəstək

Ana səhifə Planet
12 Punto 14 Punto 16 Punto 18 Punto

Xocalı qətliamının 23-cü ildönümü ilə bağlı ABŞ ştatlarında silsilə tədbirlər Nyu-Meksiko və Nyu-York ştatlarının qanunverici orqanlarında davam edib.

AzərTAc xəbər verir ki, Nyu-Meksiko ştatının paytaxtı Santa Fe şəhərində keçirilmiş tədbir senator Riçard Martinez, Nümayəndələr Palatasının üzvü Nora Espinoza və Azərbaycanın Dostları Assambleyası (AFAZ) tərəfindən birgə təşkil olunub. Tədbirdə Nyu-Meksiko ştatının 25-dən artıq senatoru və Nümayəndələr Palatasının üzvləri, o cümlədən Senatın prezidenti Mari Papen və Nümayəndələr Palatasının spikeri Don Tripp, həmçinin ABŞ-dakı Azərbaycan icmasının nümayəndələri iştirak ediblər.

Nyu-York ştatının paytaxtı Albani şəhərində keçirilən tədbirdə də ştat parlamentinin hər iki palatasının çoxsaylı üzvləri fəal iştirak ediblər.

Tədbirlər zamanı çıxış edən ABŞ rəsmiləri Ermənistan silahlı qüvvələri tərəfindən Xocalıda törədilmiş ağlasığmaz vəhşiliklər və Azərbaycanın işğal olunmuş ərazilərində həyata keçirilmiş etnik təmizləməni qəti şəkildə pisləyib, bu kimi faciələrin gələcəkdə təkrar olunmaması üçün səylərin əsirgənməməsinin vacibliyini bildirib. Onlar bu cinayəti törədənlərin ədalət qarşısında cavab verməli olduqlarını vurğulayıblar.

Çıxış edənlər, həmçinin Azərbaycanın ABŞ üçün strateji önəmindən danışıblar. Birləşmiş Ştatların ən kritik zamanlarında belə Azərbaycanın bu ölkənin dostu olduğunu sübut etdiyi vurğulanıb. Ölkəmizin terrorçuluğa qarşı mübarizə, enerji təhlükəsizliyinin təmini, nüvə silahının yayılmaması və digər sahələrdə önəmi diqqətə çatdırılıb.

Nyu-York ştatı Assambleyası və Senatı tərəfindən Xocalı qətliamı ilə bağlı qəbul edilmiş proklamasiyalar AFAZ nümayəndələrinə təqdim edilib.

Xatırladaq ki, 2013-cü ildə Nyu-Meksiko ştatının həm Senatı, həm də Nümayəndələr Palatasında Xocalı qətliamının tanınması ilə bağlı qətnamələr qəbul olunub.

Tarix
2015.02.27 / 11:56
Müəllif
Axar.az
Şərhlər
Digər xəbərlər

Fransa universitetində Bakının siyasətindən danışıldı

Simonyan: Qafarovaya bunu dedim, razılaşdıq… - Yeni görüş

“Dünya masası” qurulur: Bakı orda olacaq, həm də…

Bakıya təriflər yağdıran Anders niyə ermənipərəst oldu?

Qarabağda hansı addımı atdıqsa, qarşımıza... - Ərdoğan

Əli Əsədov qərar imzaladı

Kremldə gərginlik: “Krokus” terrorundan sonra Paşinyan...

Yeni Kaledoniyada Azərbaycan bayrağı qaldırıldı - Video

Bu görüş Cənubi Qafqazda müharibə riskini artırır

Paşinyan terrorla hədələnir - İrəvanda nə baş verir?

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla