İnsan həm özünün, həm də ətrafındakıların səhhətinə diqqət etməlidir.

Axar.az xəbər verir ki, bu sözləri Türkiyənin tanınmış ilahiyyatçısı Nihad Hatipoğlu ölkədə koronavirusla əlaqədar görülən tədbirlər haqda danışarkən deyib.

“Böyüklərimiz – yaşlılarımız gərək namazı evdə qılsınlar. Qurani-Kərimdə də deyilir ki, özünüzü təhlükəyə atmayın. İnsanlarımız gərək müqəddəs Quranın əmrlərini yerinə yetirsinlər. Hz.Peyğəmbər o dövrün yoluxucu xəstəliyi olan vəbanın yayıldığı yerlərə getməyin zərərli olduğunu deyirdi. Bu mənada gərək yaşlı vətəndaşlarımız təlimatlara əməl etsinlər”, - N.Hatipoğlu bildirib.

Qeyd edək ki, Türkiyədə bu gündən etibarən yaşı 65 və daha yuxarı olan vətəndaşların evlərindən çıxmasına müvəqqəti olaraq qadağa qoyulub.