Türkiyədə bu dəqiqələrdə polis həbsləri həyata keçirilib.

Axar.az-ın verdiyi məlumata görə, bir neçə gün əvvəl saxlanılan və sonra sərbəst buraxılan 24 polisdən 18-i yenidən məsuliyyətə cəlb olunub. Məhkəmə onların sərbəst buraxılması barədə qərara etiraz edərək həbs qətimkan tədbiri seçib.

Həbs edilən bir qrup polis işçisi siyasətşçilərin, dövlət qulluqçuları və sahibkarların telefonlarını qeyri-qanunu dinləməkdə ittiham olunurlar. Hökumət bildirir ki, telefonların gizli dinlənilməsi ABŞ-da mənzillənən Fəthullah Gülənin apardığı hökumət əleyhinə kampaniyanın tərkib hissəsidir. Gülən isə ittihamları rədd edib.

Dekabrda Türkiyə məhkəməsi "Xidmət hərəkatı" liderinin həbsinə sanksiya verib. Ötən ilin əvvəlində Güləni ekstradisiya etməyə cəhdlər göstərilmişdi. Lakin onun Türkiyəyə təslim ediləcəyi ehtimalı qeyri-real görünür. Prezident Rəcəb Teyyüb Ərdoğan bir vaxtlar müttəfiqi olmuş ruhanini həm də mətbuatda olan tərəfdarları vasitəsilə hakimiyyəti devirmək cəhdində suçlayıb. Dekabrda polis Gülənlə əlaqəsi güman edilən qəzet və teleşirkətlərin ofislərində axtarış keçirərək bir neçə media nümayəndəsini həbs edib.