Ana səhifə Planet |
Koronavirusla mübarizə üçün iqtisadi planın qəbulu vacibdir.
Axar.az xəbər verir ki, bunu Avropa Birliyinin Baş diplomatı Jozep Borrel deyib.
“Marşall Planı haqqında danışmaq çox yaxşıdır, amma problem odur ki, bizim heç bir “mister Marşall”ımız yoxdur. İndi “mister Marşall” biz özümüzük. Afrika üçün müəyyən Marşall Planı tələb etmək olar, amma bu gün Avropaya yardıma gələcək heç bir Marşall olmayacaq.
Marşall Planı 1940-cı ilin sonlarında bərpa üçün hazırlanmışdı. Gərək dağılmaya mane olaq. Bizə iqtisadi plan dərhal lazımdır ki, şirkətlər bir-birinin ardınca bağlanmasın. Nəhəng iqtisadi neytron bomba ilə üz-üzə qalmışıq. İqtisadi problemlərə müqavimət göstərmək üçün səhiyyə sahəsində təhdidin nə zaman bitəcəyini gözləyə bilmərik”, – deyə o bildirib.
Qeyd edək ki. AB-ni xilas etmək üçün ikinci Marşall Planına ehtiyac olduğunu Avropa Komissiyasının rəhbəri Ursula fon der Leyen dilə gətirmişdi.
Tarix
2020.04.07 / 12:02
|
Müəllif
İlkin Həsənov
|