Almaniya Yunanıstandakı qaçqın düşərgələrindən ən az 350 miqrant uşağı qəbul etməyə hazır olduğunu açıqlayıb.

Axar.az xəbər verir ki, birinci mərhələdə Almaniyaya 50 miqrant uşağın gətirilməsi planlaşdırılır.

Məsələ ilə bağlı açıqlama verən Almaniya Xarici İşlər naziri Hayko Maas bildirib ki, rəsmi Berlin Yunanıstan və Birləşmiş Millətlər Təşkilatını (BMT) 350-500 arası miqrant uşağı Almaniyaya gətirmək istəyi ilə bağlı məlumatlandırıb.

Qeyd edək ki, Avropa Komissiyası martın əvvəlində 14 yaşdan aşağı və ya ağır xəstəlikdən əziyyət çəkən 1600 miqrant uşağın üzv ölkələrə paylanılması ilə bağlı çağırış edib.