"Rusiya Prezidenti Vladimir Putin əsl informasiya hücumu ilə üzləşib".

Axar.az xəbər verir ki, bu açıqlama ilə politoloq Elxan Şahinoğlu öz Feysbuk səhifəsində çıxış edib.

O, Putinə qarşı hücumların ABŞ tərəfindən hazırlandığını bildirib:

"Sosial medianın vətəni ABŞ sayılır, şübhə etmirəm ki, informasiya hücumunu hazırlayanlar da məhz okeanın o tayındadırlar. Putinin bir neçə gün gözə dəyməməsi kifayət etdi ki, ona qarşı informasiya maşını işə düşsün: 1. Putin xərcəng xəstəliyinə tutulub; 2. Putin islamı qəbul edib; 3. Putinin nikahdan kənar oğlu doğulub; 4. Putin saray çevrilişi nəticəsində hakimiyyətdən uzaqlaşdırılıb. Putinin mətbuat katibi Peskov necə gündür təkzib verməklə məşğuldur. Putin haqqında yayılanlar şayiə mahiyyəti daşısa da, Rusiya cəmiyyətində və siyasi dairələrində müəyyən çaşqınlıq yaradıb. Vaşinqtona da elə bu lazımdır".