Aya Sofya və Kariyə muzeyi Türkiyənin mülkiyyətindədir.

Axar.az xəbər verir ki, bunu Türkiyə Xarici İşlər Nazirliyinin (XİN) sözçüsü Hami Aksoy ABŞ-ın Aya Sofya ilə bağlı hesabatına cavab olaraq deyib.

XİN rəsmisi bildirib ki, əsərlərlə bağlı bütün səlahiyyət Türkiyənin daxili işinə aiddir:

“Bu abidələrlə bağlı qəbul edilmiş qərarlar başqa ölkələri maraqlandırmaz. Türkiyə ərazisindəki bütün mədəni və dini dəyərlərə sahib çıxır, bu abidələri layiq olduğu şəkildə qoruyur”.

Qeyd edək ki, ABŞ Dövlət Departamenti Beynəlxalq Dini Azadlıqlar Təşkilatının hesabatında Türkiyədə dini azadlıqların narahatedici hal aldığı haqqında yazıldığını bildirib.