Fransada məktəblərdə COVİD-19 virusuna yoluxmuş uşaqlar aşkarlanıb.

Axar.az xəbər verir ki, Marselin 3-cü və 14-cü rayonlarında iki məktəbdə koronavirusa yoluxmuş uşaqlar aşkarlanıb. Məktəbin müəllimləri və texniki işçilərinin test edildiyi müddətdə məktəb bağlı olacaq.

Bildirilib ki, məktəb binasında dezinfeksiya işləri aparılır. Virusun asimptomatik daşıyıcısı olan məktəblinin ünsiyyətdə olduğu şəxslər müəyyən edilib.

Müəllimlər qeyd ediblər ki, çox narahatedici vəziyyətdir. Uşaqlar ibtidai sinifdə olduqları üçün digər uşaqlarla təmasda olublar və bu yaşda olan uşaqlar arasında məsafə saxlamaq qaydasına riayət etmək çətin olur.

Koronavirus aşkarlanan uşaqların evdə olduğu və özlərini yaxşı hiss etdikləri bildirilib.