Son 8 il ərzində Gürcüstanda bir nəfər də olsun Rusiya casusu aşkarlanmayıb. Gürcüstan hakimiyyətinin Rusiyadan gələn destabilizasiyanı neytrallaşdırmaq arzusu yoxdur.

Axar.az xəbər verir ki, bunu Gürcüstan Vahid Milli Hərəkat Partiyasının nümayəndəsi Georgi Baramidze deyib.

“Hökumət bunun hamısını gizlətmək istəyib. Aydındır ki, bu hakimiyyətin Rusiyadan gələn destabilizasiyanı neytrallaşdırmaq arzusu yoxdur. Ona görə ki, 8 il ərzində Gürcüstan Dövlət Təhlükəsizlik Xidmətində çalışan 4000 nəfərdən biri hansısa Rusiya casusunu zərərsizləşdirdiyini deyə bilməz. Bizim 20% işğal edilmiş ərazimiz var, amma düşmənin bir casusunu belə zərərsizləşdirməmişik”, – deyə o bildirib.