Məşhur türk aktyoru Yılmaz Güney 78-ci doğum günündə "Portağal Çiçəyi Karnavalı həftəsi çərçivəsində təşkil ediləcək "1 aprel Yılmaz Güneyin doğum günü" tədbiri ilə anılacaq.

Axar.az xəbər verir ki, Qızıl Barama Mədəniyyət MMC tərəfindən təşkil olunan tədbirdə aktyorun prodüser, rejissor və aktyor dostları da iştirak edəcək.

Tədbirin aparıcılığını Yılmaz Güneyin Adanada çəkdiyi Qızıl Barama mükafatlı "Ümid" filmində oğlu rolunu oynayan, hazırda məşhur aktyor olan Gürşad Alnıaçıq edəcək.

Xatırladaq ki, heyranları tərəfindən sevgiylə "çirkin kral" adlandırılan Yılmaz Güney (01.04.1937 (Adana) - 09.09.1984 (Paris)) zaza və kürd əsilli aktyor, rejissor, ssenarist və yazardır. 1982-ci ildə çəkdiyi "Yol" filmi Kann mükafatı alıb.