Paşinyan sürətli şəkildə ictimai fikri antirusiya xarakterli edəcək və bilərəkdən Rusiya ilə münasibətlərin pisləşməsinə gedəcək.

Axar.az xəbər verir ki, bu sözləri öz Feysbuk səhifəsində erməni politoloq Ağasi Yenokyan paylaşıb.

“Paşinyan Rusiya ilə münasibətlərin bilərəkdən pisləşməsinə gedəcək. Bu məqsədlə saxta məlumatlar ortaya atılacaq. İndi hökumətin idarə etdiyi siyasi və media landşaftlarındakı fərqli platformalarda vulqar vətənpərvər partlayışları gözləyin”, – deyə o bildirib.

Yenokyan Paşinyanın öz qabiliyyətsiz siyasəti ilə hər kəsi ittiham etdiyini, indi isə Rusiyanı ittiham edən son gülləsini atmaq istədiyini söyləyib.