Hindistan Daxili İşlər Nazirliyi qurumun bütün strukturlarına, o cümlədən polislərə Feysbuk sosial şəbəkəsindən istifadəni qadağan edib.

Axar.az xəbər verir ki, bu barədə Hindistan Daxili İşlər Nazirliyinin direktivində deyilir.

“Qadağa nazirliyin bütün strukturlarına aiddir, çünki onlar adətən silahlı qüvvələrimizlə sıx əlaqədə olurlar. Hindistan özü Feysbuk və ya İnstaqram kimi sosial şəbəkələrə malik olmalıdır ki, onlara heç bir xarici ölkə daxil ola bilməsin”, - deyə qurumun direktivində bildirilir.

Hindistan Silahlı Qüvvələrinin komandanlığı iyulun 15-dən etibarən rütbəsindən asılı olmayaraq bütün hərbçilərə Feysbuk səhifələrini pozmağı və bu sosial şəbəkədən istifadə etməməyi əmr edib. Əmrə tabe olmayan əsgər və zabitlərin ciddi cəzalandırılacağı bildirilir.

Hindistanlı mütəxəssislər artıq sosial şəbəkələrin yerli analoqunun hazırlanması üçün çalışmalara başlayıb. Hələ ki, hərbçilərə “Facebook”, “Instagram” və Tvitter sosial şəbəkələrindən, həmçinin daha 88 proqramdan istifadə etmək qadağan olunub.