Con Bolton mənim hökumətdə gördüyüm ən axmaq adamlardan biri olub.

Axar.az xəbər verir ki, bunu ABŞ Prezidenti Donald Tramp Tvitter səhifəsində yazıb.

Dövlət başçısı bu tvitlə keçmiş milli təhlükəsizlik məsələləri üzrə müşaviri Con Boltonun “Tramp Rusiya ilə bağlı kəşfiyyat məlumatlarını alarkən özündən çıxırdı” fikrinə reaksiya verib.

“Təəssüf ki, onun kimi səfehlərə həmişə rast gəlmək olur. Bu adam mənim guya “Vladimir Putinə öz kəşfiyyatımızdan daha çox inandığım” barədə fikir işlətdiyimi tez-tez təkrarlayır. Halbuki bu, qətiyyən doğru deyil”, - o yazıb.

“ABŞ kəşfiyyatçıları içində elə adamlar var ki, elə əvvəldən iyrənc polis olublar, indi isə ən yüksək səviyyəli ləyaqətsiz və alçaq insanlara çevriliblər. Bunlar FTB-nin keçmiş direktoru Ceyms Komi, Milli kəşfiyyatın keçmiş direktoru Ceyms Klepper və Mərkəzi Kəşfiyyat İdarəsinin keçmiş direktoru Con Brennandır. Yəqin ki, mənim onları qəbul etməmək arzumu başa düşərsiniz”, - deyə ABŞ prezidenti qeyd edib.