Yüzlərlə maşın Tel-Əviv şosesi istiqamətində irəlilədiyi bir anda hər kəsi heyrətə salan hadisə baş verib.

Axar.az xəbər verir ki, adi avtomobillər və yük maşınları eyni anda yolun ortasında hərəkətini dayandırıb. Sürücülərin çoxu maşından düşüb. Bütün bu baş verənlər "Armageddon" filmi ilə assosasiya olunsa da, bu, film deyil.

Sürücülər bir müddət sonra maşınlarına minib yola davam ediblər. Bu hadisə ölkəyə gələn əcnəbi vətəndaşları heyrətləndirib. Məsələ burasındadır ki, İsraildə hər il milli Holokost matəmi qeyd olunur.

Səhər saat 10-da bütün sürücülər hərəkəti saxlayır və siqnal verir. Bu zaman insanların harda və hansı şəraitdə olması önəm kəsb etmir. Hər vətəndaş bu anım mərasimini reallaşdırır.

Xatırladaq ki, sözügedən adət altı milyon yəhudinin faşistlər tərəfindən qətlə yetirilməsi səbəbilə 1951-ci ildən bəri keçirilir.