Ana səhifə Planet |
İsveçdə təşkil olunan bir seminarda Fələstin bayrağının terror təşkilatlarının bayraqları arasında yer alması iki ölkə arasında gərginliyə səbəb olub.
Axar.az xəbər verir ki, hadisə Erebru şəhərində terrorizmə qarşı təşkil olunan seminarda yaşanıb.
Yerli polis idarəsinin rəisi Con Hisinq mediaya verdiyi açıqlamasında bayrağın terror təşkilatları ilə eyni sırada göstərilməsinin təsadüfi olmadığını deyib:
"Fələstin bayrağındakı simvol Əbu Nidal təşkilatı tərəfindən də istifadə edilir".
Sənədlərdə səhv olmadığını, məlumatların Amerika Milli Terrorla Mübarizə Mərkəzi (NCTC) tərəfindən verildiyini deyən Hisinq simvolların terror təşkilatları tərəfindən tez-tez istifadə edildiyini, İŞİD-in bayrağında da Hz. Məhəmmədin möhürünün olduğunu bildirib. O, bayrağın siyahıdan çıxarılmayacağını, ancaq altına izahlı yazı veriləcəyini deyib.
Xatırladaq ki, İsveç 2014-cü ilin sentyabr seçkilərindən sonra Fələstini dövlət kimi tanıyan ilk Avropa Birliyi ölkəsidir.
Tarix
2015.05.03 / 17:26
|
Müəllif
Şəmsəddin Ənsar
|