Oğlum, hardasansa təslim ol, sənin yerin onların yanı deyil, ata-ananın yanıdır. Nə vaxt fürsət tapsan, polisə, əsgərə təslim ol. Sənin üçün artıq gücümüz qalmadı.

Axar.az xəbər verir ki, bu müraciəti oğlu PKK tərəfindən dağa qaçırılan Türkiyə vətəndaşı Əkrəm Gökkuş yayıb.

1 ildən çoxdur ki, PKK əleyhinə keçirilən aksiyalarda iştirak etdiyini deyən Gökkuş oğlu geri qayıdana qədər terrorçulara qarşı kampaniyalarda iştirak edəcəyini söyləyib:

"Oğlum gəlmədən buradan getməyəcəm. Bu, kürd məsələsi deyil, erməni məsələsidir. Oradan sizə fayda yoxdur, özünüzü boş-boşuna çürütməyin".

Qeyd edək ki, ötən ilin sentyabr ayından övladları PKK tərəfindən dağlara qaçırılan valideynlər ölkənin dörd bir yanından Diyarbəkirə gələrək HDP-nin binası önündə aksiya keçirir.