ABŞ-ın maraqları getdikcə bütün bəşəriyyətin maraqları ilə ziddiyyət təşkil edir və BMT-nin büdcəsi qəbul ediləndə Vaşinqton antisosial oyunçu statusunu bir daha təsdiqlədi.

Axar.az xəbər verir ki, bunu Rusiya Federasiya Şurasının Beynəlxalq münasibətlər komitəsinin sədri Konstantin Kosaçev bildirib.

"BMT-yə üzv dövlətlər təşkilatın 2021-ci ildəki fəaliyyətini maliyyələşdirmək üçün 3.2 milyard dollarlıq büdcəni təsdiqlədi. ABŞ Cənubi Afrika Respublikasında irqçiliyə qarşı Durban bəyannaməsinin qəbul edilməsinin ildönümü ilə əlaqədar bir tədbiri maliyyələşdirməkdən imtina edərək büdcəyə qarşı çıxdı. Təşkilatın büdcəsi, ABŞ və İsrailin əleyhinə olmasına baxmayaraq, qəbul edildi", - Kosaçev qeyd edib.