"Məni Turçinovun Ukraynada ABŞ-ın raketdən müdafiə sistemləri yerləşdirmək haqqında söylədikləri sevindirir".

Axar.az xəbər verir ki, bu açıqlama ilə Ukraynanın keçmiş xarici işlər naziri Vladimir Oqrızko çıxış edib.

O, Turçinovun bu addımının çox doğru olduğunu bildirib:

"Məncə, biz öz Qərb tərəfdaşlarımız qarşısında Ukraynanın əsas obyektlərini qorumaqları ilə bağlı şərt qoymalıyıq. Bunlar xüsusilə ölkənin cənubunda yerləşən Atom Elektrik Stansiyalarına (AES) aiddir. Ona görə ki, bunlar təkcə Ukraynanın yox, həm də Avropanın ən böyük Atom Elektrik Stansiyalarıdır. Terror ilk növbədə bu obyektləri öz hədəfinə çevirə bilər".