"ABŞ və NATO Türkiyə Prezidenti Rəcəb Tayyib Ərdoğanın düşmənlərinə qarşı münasibətini dəyişməsinə çalışmalıdırlar".

Axar.az xəbər verir ki, bu barədə ABŞ-ın "Nyu York Tayms" qəzetinin "Türkiyə üzərindəki qara buludlar" başlıqlı məqaləsində qeyd olunub. Məqalədə Türkiyənin çətin günlər yaşadığı bildirilib:

"Türkiyədə seçkilərə iki həftə qalıb və ölkədə təzyiq yüksəlir. Ərdoğanı tənqid edən bəzi şəxslərsə, AKP-nin seçkilərdə qalib gəlməsini təmin etmək üçün yeni həbs dalğasının başlanmasından qorxurlar. Artıq Ankara Prokurorluğu ABŞ-da sürgün həyatı yaşayan Fətullah Gülənlə əlaqəsi olan bir çox media orqanının qadağan edilməsini tələb edib. Türkiyənin hazırki dövrü qaranlıq və qorxuncdur. Cənab Ərdoğan həqiqəti söyləyənlərə qarşı getdikcə düşmən mövqe nümayiş etdirir. ABŞ və Türkiyənin digər NATO müttəfiqləri onu bu dağıdıcı yoldan çəkindirməlidirlər".