Vətəndaşlara birdəfəlik ödəmələr bu aydan etibarən başlayacaq.

Axar.az xəbər verir ki, bunu ABŞ Prezidenti Co Bayden 1,9 trilyon dollarlıq dəstək paketindən danışarkən bildirib.

"Bu plana əsasən, köməyə ehtiyacı olan vətəndaşlar bu aydan etibarən qəbz alacaqlar. Əhalinin 85 faizi adambaşına 1400 dollar birbaşa ödəniş alacaq. Üçuşağlı ailələr 5,600 dollar alacaq", - Bayden söyləyib.

O, stimul paketinin pandemiyanın öhdəsindən gəlməyə kömək edəcəyinə inandığını bildirib.

Qeyd edək ki, ötən gün ABŞ Prezidenti Co Baydenin COVİD-19-a qarşı 1,9 trilyon dollarlıq iqtisadi dəstək paketi Senat tərəfindən qəbul edilib. İqtisadi dəstək paketinə əsasən, şəxsi təsərrüfatlara 1 trilyon dollar birbaşa ödənilmiş olacaq. 415 milyard dollar COVİD-19-la mübarizəyə və peyvəndlənməyə, 440 milyard dollar kiçik şirkətlərə və sosial təşkilatlara ayrılacaq.