ABŞ-ın vitse-prezidenti Co Bayden oğlunun vəfatından sonra Ağ Evdə işə çıxıb.

Axar.az məlumat verir ki, Prezident Barak Obama ilə yemək yeyən Bayden daha sonra Ukraynanın Baş naziri Arseni Yaçenyukla görüşüb.

Ağ Evdən verilən açıqlamada bildirilir ki, görüşdə Minsk razılaşması müzakirə olunub. Bayden G7 ölkələrinin Rusiya əsgərlərinin və silahlarının Ukraynadan çəkilməsinin də daxil olduğu razılaşmanın yerinə yetirilməsində israrlı olduğunu deyib.

G7 ölkələrinin əlavə sanksiyaların tətbiq edilməsinə hazır olduğunu deyən 73 yaşlı vitse-prezident Kiyevə köməklik ediləcəyini deyib.

Xatırladaq ki, Co Baydenin oğlu Bo Bayden ayın 30-da 46 yaşında beyin xərçəngindən vəfat edib. Oğul Bayden Delaver ştatının baş prokuroru vəzifəsində çalışırdı.