Suriyada müxtəlif müxalif qruplardan ibarət olan Cənub Cəbhəsi Əs-Süveydə vilayətindəki Tala hərbi hava məkanını Əsəd rejimindən aldığını açıqlayıb.

Axar.az xəbər verir ki, Suriya İnsan Haqları Rəsədxanası da hərbi hava məkanının bəzi hissələrini müxaliflərin ələ keçirdiyini bildirib.

Əsəd rəhbərliyi həmin hava məkanını Dəraa və Dəməşq istiqamətli hücumlarda istifadə edirdi.

Suriya Dövlət Televiziyası isə hava məkanının işğal edildiyi xəbərlərini təkzib edib.

Cənub Cəbhəsinin rəsmisi Essam əl-Rayes Dəraa ilə Əs-Süveydə arasındakı bölgədə rejimə aid bir döyüş təyyarəsini vurduqlarını da açıqlayıb.

Müxaliflər təyyarənin görüntüsünü yayımlayıb. Şam rəhbərliyi təyyarənin vurulmasının səbəbinin araşdırıldığını bildirib.