Rusiya Prezidenti Vladimir Putin Ukrayna sərhədi və Krıma 150 minlik qoşunu yeni hücum üçün yığmayıb.

Axar.az xəbər verir ki, bunu rusiyalı vəkil Nikolay Polozov deyib.

“Açıq-aydın görünür ki, Kreml tərəfindən Ukrayna sərhədinə bu qədər hərbi qüvvənin yığılmasının səbəbi antoqonist Baydenin diqqətini özlərinə cəlb etməkdir. Hər şey Baydenin Putini qatil adlandırmasından sonra başladı. Buna Kreml qəzəbli reaksiya göstərdi, amma Ağ Ev fikir vermədi. Bu da Rusiya hakimiyyətini daha da qəzəbləndirdi. Putin Ukraynanın köməyi ilə Vaşinqtonun diqqətini cəlb etməyə qərar verdi. Şoyqu ilə Tayqaya uçdular, planlar cızdılar. Və buna ABŞ-dan reaksiya verdilər. Bu, siyasi oyunun, şantajın, təzyiqin elementidir”, - Polozov bildirib.