ABŞ xüsusi xidmət orqanları bir neçə il ərzində Fransanın üç prezidenti - Jak Şirak, Nikola Sarkozi və Fransua Ollandı dinləyib.

Axar.az xəbər verir ki, bu barədə məlumat "Vikiliks" portalında yayımlanan yeni sənədlərdə yer alıb.

Portalın məlumatına görə, prezidentlərin dinlənilməsi 2006-cı ildən 2012-ci ilin mayına qədər aparılıb. Prezidentlərlə yanaşı, Vaşinqton həm də bir sıra nazirləri, deputatları, diplomatları dinləyib.

Portalın rəhbəri Culian Assanc isə yaxın günlərdə yeni qalmaqallara səbəb olacaq sənədləri yayımlayacağını bildirib.