Ana səhifə Planet |
ABŞ-da Barak Obamaya müzakirələri davam edən ticarət anlaşmalarını sürətləndirmə imkanı verən "Ticarət İnkişaf səlahiyyəti" (TPA) qanuniləşib.
Axar.az xəbər verir ki, həftələrdir sürən müzakirələrdən sonra qanun ABŞ Konqresinin hər iki qanadından keçib. Eyni zamanda "Sürətli qanunvericilik səlahiyyəti" adlandırılan qanuna görə, Konqres Obama tərəfindən imzalanan razılaşma şərtlərini təsdiq edə biləcək, ancaq dəyişdirə bilməyəcək.
Qanuniləşən TPA Ağ Evin prioritetləri arasında yer almış mübahisəli Transpasifik Tərəfdaşlığı (TPP) və Transatlantik Ticarət və İnvestisiya Tərəfdaşlığı (TTIP) baxımından kritik əhəmiyyət daşıyır.
Qlobal iqtisadiyyatın təxminən 40 faizini təşkil edəcək TPP "Sürətli qanunvericilik səlahiyyəti" sayəsində bu ilin sonuna qədər reallaşa bilər.
ABŞ və Avropa Birliyi arasında imzalanması planlaşdırılan TTIP-in isə 2017-ci ildən tez qüvvəyə minməsi mümkün görünmür.
Xatırladaq ki, müzakirəsi 2008-ci ildə başlayan TPP ABŞ, Yaponiya, Avstraliya, Bruney, Malayziya, Yeni Zelandiya, Vyetnam, Meksika, Sinqapur, Kanada, Peru və Çili olmaqla Sakit okean hövzəsinə daxil 12 ölkə arasında nəzərdə tutulur.
Tarix
2015.06.30 / 10:35
|
Müəllif
Şəmsəddin Ənsar
|