Yaponiyada Tokaido sürətli qatar xəttində Şinyokohama şəhərindən Odavaraya gedən "Nozomi 225" nömrəli qatarda tüstü göründüyünə görə təcili dayandırılıb.

Axar.az xəbər verir ki, Yaponiyanın rəsmi Kyodo Agentliyinin xəbərinə görə, sürətli qatarın dayandırılması nəticəsində çoxlu adam yaralanıb. Hadisədən dərhal sonra qatar xətti bağlanıb. Hadisə yerinə yaxın Odavara şəhəri yanğın söndürmə mərkəzindən verilən məlumatda təcili dayandırılan sürətli qatarda çoxlu yaralının olduğu bildirilib.

Dövlət televiziyası NHK qatarın qəfildən saxlanılması nəticəsində 2 nəfərin "qəfil ürək çatışmazlığı" yaşadığını, hadisə haqqında geniş məlumat əldə edə bilmədiyini bildirib.