Xarici işlər naziri Dominik Raab "Mercer Street" tankerinə hücuma görə İrana razılaşdırılmış bir cavab hazırlamaq üçün beynəlxalq tərəfdaşlarla birlikdə çalışır.

Axar.az xəbər verir ki, bu barədə İngiltərə hökumətinin saytında məlumat yayılıb.

Bildirilir ki, Oman sahillərindəki beynəlxalq sularda ticarət gəmisinə edilən hücum qanunsuz və qəddarcasınadır və hücumun İrandan gəldiyinə dair İngiltərənin məlumatı var:

"İngiltərə beynəlxalq tərəfdaşları ilə birlikdə bu qəbuledilməz hücuma razılaşdırılmış bir cavab hazırlamaq üçün çalışır".

Qeyd edək ki, Oman sahillərində İsrailin "Marcer Street" gəmisinə hücum zamanı 2 nəfər (Böyük Britaniya və Rumıniya vətəndaşları) ölüb. İsrail hücuma görə İranı ittiham edib.