Türkiyə Prezidenti Rəcəb Tayyib Ərdoğan Gürcüstanın Baş naziri İrakli Qaribaşvili ilə telefon danışığı aparıb.

Axar.az xəbər verir ki, telefon söhbətində Türkiyə-Gürcüstan münasibətləri və regional məsələlər müzakirə edilib.

Ərdoğan meşə yanğınları ilə əlaqədar Türkiyəyə apardığı mübarizədə dəstəyini bildirən Qaribaşviliyə təşəkkür edib.

Türkiyə-Gürcüstan strateji tərəfdaşlığının belə günlərdə daha mənalı olduğunu söyləyən Ərdoğan Gürcüstanı regional əməkdaşlığın açarı olaraq gördüklərini qeyd edib.

Xüsusilə regional nəqliyyat və enerji xətlərinin səmərəliliyi və təhlükəsizliyi baxımından birlikdə hərəkət etməyin vacib olduğunu vurğulayan Türkiyə lideri nazirlər və millət vəkilləri tərəfindən uğurla həyata keçirilən Türkiyə-Gürcüstan-Azərbaycan üçlü mexanizmini həm də liderlər səviyyəsində canlandırmaq istədiklərini bildirib.