Mixail Saakaşvilinin atası Nikoloz Saakaşvili oğluna aclığı dayandırması üçün çağırış edib.

Axar.az xəbər verir ki, N.Saakaşvili oğlu ilə heç bir əlaqə saxlaya bilmədiyindən, çağırışını sosial şəbəkələr vasitəsilə edib.

“Mişa! Sənə həkim və ata kimi müraciət edirəm. Söhbət sənin səhhətinə heç bir xeyri olmayan, yalnız ziyan vuran aclıqdan gedir. Sən ölkənin yanında dayandın və vacibdir ki, sona qədər xalqının yanında olasan. Aclıq müəyyən mərhələ üçün öz işini gördü. Ancaq indi sənin enerjin xalqla birgə mobilləşməlidir”, - atası yazıb.

Saakaşvilinin aclığı dayandırması üçün Bütün Gürcüstanın katolokos-patriarxı II İliya və Gürcü Arzusu Partiyasının liderlərindən olan Şalva Papuaşvili də müraciət edib.

Qeyd edək ki, Mixail Saakaşvili 1 oktyabrda Tiflisdə həbs edilib. Həbsinə etiraz olaraq Saakaşvili həmin gün aclıq aksiyasına başlayıb.

Saakaşvilinin xanımı Yelizaveta Yasko ərinin artıq 12 kq çəki itirdiyini bildirib.