Türkiyənin ən zəngin müğənnilərinin siyahısı açıqlanıb.

Axar.az Musavat.com-a istinadən xəbər verir ki, ilk sırada məşhur sənətçi İbrahim Tatlısəs yer alır.

Onun ümumi sərvəti 66 milyon dollar olaraq qiymətləndirilir. Tatlısəsin sərvətinin əsas hissəsi daşınmaz əmlak və müxtəlif biznes sahələrində etdiyi uğurlu investisiyalar sayəsində formalaşıb.

İkinci yerdə 65 milyon dollar sərvətlə Əmrah İpək qərarlaşıb. O da sərvətini daşınmaz əmlak yatırımları və biznes təşəbbüsləri vasitəsilə artırıb.

Üçüncü sırada isə məşhur pop müğənnisi Murad Boz yer alır. Onun sərvəti 60 milyon dollar dəyərində qiymətləndirilib. Boz əsasən konsert fəaliyyətlərindən və müxtəlif reklam layihələrindən əldə etdiyi gəlirlə bu mövqeyə çatıb.