Böyük Britaniyanın Avropa Birliyindən (AB) ayrılması ilə bağlı yaranan boşluğu Türkiyə tamhüquqlu üzv olmaqla doldura bilər.

Axar.az xəbər verir ki, bu sözləri Türkiyə xarici işlər nazirinin müavini Faruk Kaymakçı deyib.

O, Breksit qərarının xalq tərəfindən verildiyini və buna hörmət edilməsi gərəkdiyini söyləyib:

“AB qlobal fiqur olmaq istəyir, lakin daxili problemləri var. Birlik özünü Britaniya xalqına tanıda bilmədi”.

Kamyakçı bildirib ki, Breksit Türkiyə üçün model ola bilər:

“AB ilə Britaniyanın əlaqələrinin necə davam edəcəyini müşahidə edəcəyik. Biz Türkiyənin tamhüquqlu üzv olmasında maraqlıyıq. Bu, bizim üçün hələ də strateji məsələdir”.