Böyük Britaniyanın "Kraliça mühafizəçisi" adlanan əsgərləri bütün dünyada məşhurdur. Atlı və piyada olmaqla iki qrupa bölünən bu əsgərlər öz təmkinliyi, ətrafdakı hadisələrə reaksiya verməməsi ilə tanınır. Təhlükəli vəziyyətdə bu hərbçilər "Kraliça mühafizəsinə yol ver" - deyə qışqırırlar.

Axar.az xəbər verir ki, ölkəyə gələn turistləri təəccübləndirmək və kraliçanın mühafizəçilərinə rəğbət aşılamaq məqsədilə Britaniyada "Kraliça mühafizəsinə yol ver oyunu" adlı layihə hazırlanıb.

Yutub şəbəkəsində cəmi bir ay ərzində 4 milyondan çox insanın izlədiyi videoda kraliça mühafizəçisi kimi geyinən gənc ətrafdakıların ona sataşmağına "reaksiya verir". Hadisələri böyük həyəcanla izləyən turistlər bütün bunların sosial xarakterli layihə üçün baş verdiyini yalnız sonda öyrənir.

Sözügedən videonu təqdim edirik: