"İslam dövləti"nin İstanbulda həbs edilən azərbaycanlı lideri Abdulla Abdullayev haqda ilginc məlumat yayılıb.

Axar.az-ın əldə etdiyi özəl xəbərə görə, Abdullayev Bakıda anadan olub, 2008-ci ildə qapadılan Əbu-Bəkr məscidinə ibadətə gedirmiş. Onun yaxın adamlarından birinin dəfn mərasimini də Əbu-Bəkr məscidində təşkil etdiyi deyilir.

Məlumatda bildirilir ki, A.Abdullayev Azərbaycanda çox tanınmış şəxslərdən birinin yaxın qohumudur (Bu barədə dəqiqləşdirmələr aparırıq - red.)

Azərbaycanın İstanbuldakı baş konsulu Həsən Zeynalov "BBC Azərbaycanca"ya bildirib ki, o, Türkiyəyə başqa xarici dövlətin pasportu ilə daxil olub.

Ötən həftədən bəri Türkiyə boyu "İslam dövləti" və PKK qruplarına üzv olmaqda şübhəli bilinənlərin həbsləri davam etdirilir.