Biz enerji bazarında balans yaratmağa çalışırıq. Neftin indiki qiyməti bu balansın məhsuludur. Bu balans neft hasilatçıları və ya digər mənbələr hesabına hasilatı artırmaqla əldə edilir.

Axar.az xəbər verir ki, bunu İraqın neft naziri İhsan Əbdül Cabbar deyib.

"Biz bazarı izləyirik və qiymətlə bağlı OPEK-lə görüşümüzdə qərar veriləcək. Hesab edirəm ki, neftin qiymətinin qalxması normaldır", - nazir vurğulayıb.

Əbdül Cabbar bildirib ki, neftin bir barrelinin qiyməti 100 dollara qalxsa da, daha sonra 100 dollardan aşağı səviyyədə sabitləşəcək.