14:51

BƏƏ-nin paytaxtı Əbu-Dabinin sənaye rayonlarının birində güclü yanğın baş verib.

Axar.az xəbər verir ki, bu barədə Əbu-Dabi polisi məlumat ayyıb.

Məlumata görə, yanacaqla dolu 3 tanker partlayıb.

“Bu gün səhər Əl-Musaffah ərazisində yanğın baş verib və nəticədə yanacaq anbarlarının yaxınlığında yerləşən üç tanker partlayıb. Əbu-Dabi Beynəlxalq Hava Limanı yaxınlığındakı tikinti sahəsində də yanğın baş verib”, - məlumatda qeyd olunub.

İlkin məlumata görə, hər iki hadisə PUA hücumu nəticəsində baş verib.

Qeyd edək ki, bu gün Yəməndəki Husi qruplaşmasının BƏƏ ərazisində hərbi əməliyyatlara başladığı bildirilmişdi. Husilərin rəsmi nümayəndəsi Yəhya Səri hərbi əməliyyatla bağlı bəyanatla çıxış edəcəklərini bildirmişdi.

***

Əbu-Dabidə Milli Neft Şirkətində (ADNOS) baş verən yanğında 3 nəfər ölüb, 6 nəfər yaralanıb.

Yerli medianın məlumatına görə, ölənlərdən biri pakistanlı, ikisi isə hindistanlıdır.