Sosial mediada istifadə edilən dil türk dili üçün bir fəlakətdir.

Axar.az xəbər verir ki, bu sözləri Türkiyə Prezidenti Rəcəb Tayyip Ərdoğan “Türkcənin düzgün istifadəsi” adlı mükafatlandırma mərasimində deyib.

“Bu gün millətimizin Mehmet Akifin bir əsr əvvəl yazdığı şeirlərini, Atatürkün gənclərə müraciətini anlaya bilməməsi dilimizə edilən sui-qəsdin böyüklüyünü ortaya qoyur. Dilimizi təhdid edən digər amil isə lövhələrdə, yazışmalarda əcnəbi sözlərdən istifadə xəstəliyidir. Türkcəmizi qorumaq, inkişaf etdirmək və zənginləşdirmək üçün mübarizəmiz mahiyyətcə milli bir mübarizədir, var olma məsələsidir”, - Ərdoğan bildirib.