Qvatamela məhkəməsi Prezident Otto Fernando Peres Molinanın həbsi barədə qərar qəbul edib.

Axar.az "Slon.ru"ya istinadən xəbər verir ki, prezident gömrük sahəsində yol verdiyi qanunsuzluqlar və korrupsiya barədə məhkəmə önündə cavab verməli olub.

Parlamentin ölkə prezidentinin toxunulmazlığının aradan qaldırılması lehinə verdiyi qərardan sonra Otto Peres mühakimə olunub. 64 yaşlı prezident günahını inkar edib və istefa tələbi ilə günü-gündən artan etiraz aksiyalarına baxmayaraq, prezidentlik postunu tərk etməyəcəyi ilə bağlı açıqlama verib.

Xatırladaq ki, avqustun sonunda gömrük sahəsində aşkar olunan qanunsuzluqlar və korrupsiya ölkə prezidentinin mühakimə olunmasına gətirib çıxarıb.