İraq ordusunun İŞİD-ə qarşı döyüşən hərbçiləri miqrantlarla birgə Avropaya köç edir.

Axar.az xəbər verir ki, terrora qarşı mübarizədən təngə gəlmiş hərbçilərin sayı durmadan artır.

"Röyter"in məlumatına görə, hərbçilərlə bərabər, peşmərgə qüvvələrindən də qaçqın statusuna qovuşmaq üçün Avropaya pənah gətirənlər az deyil.

Son üç ayda İraqı tərk edən vətəndaşların sayı 50 mini keçib. Orduda əsgərlərin sayının azalması İŞİD-ə qarşı mübarizədə böyük çətinliklər yaradır.

İraq Müdafiə Nazirliyinin sözçüsü Tahsin İbrahim Sadiq iddiaları təkzib etsə də, peşmərgə qüvvələrinin nümayəndəsi Səid Kaka vəziyyətin çıxılmaz hal aldığını etiraf edib.