Mənə elə gəlir ki, son vaxtlar çoxlu spekulyativ şeylər ortaya çıxıb: hansı danışıqlar, hansı istiqamətdə aparılacaq... Məncə, müharibənin 128-ci günündə bir şeyə öyrəşmək lazımdır: hər şey Prezident Zelenskinin təşəbbüsü ilə olacaq.

Axar.az xəbər verir ki, bunu Ukrayna Prezident Ofisi rəhbərinin müşaviri Mixail Podolyak Türkiyənin Rusiya və Ukrayna ilə danışıqlara hazırlıqla bağlı açıqlamalarına reaksiya verərkən bildirib.

“Zelenski həmişə birbaşa deyir ki, biz burada danışıqlar aparacağıq, filan mövzuları, təklifləri müzakirə edəcəyik. Hələlik Prezident Zelenski bu barədə açıqlama verməyib. Qalan hər şey daha çox daxili bazar üçün, yaxud da Qara dəniz bölgəsi üçün edilir”, - Podolyak söyləyib.