ABŞ PYD-ni sevdiyi üçün yox, İŞİD-lə savaşacaq bir qrup üçün dəstək verir.

Axar.az xəbər verir ki, bunu "Əl Cəzirəyə" müsahibəsində ABŞ-ın 2011-2014-cü illər Suriyada səfiri olmuş Robert Ford söyləyib. Onun sözlərinə görə, ABŞ-ın hələ də PYD ilə PKK-nın eyni şey olmasını söyləməməsi sadəcə cəfəngiyyatdır:

"Dörd ildir ki, ABŞ-ın Suriyaya girməməsinə əsas səbəb İraqda ölən 6 min ABŞ əsgəridir. Suriya Amerika üçün çox uzaq bir yerdir. Bu dəqiqə Nyu Yorkda ABŞ-ın Suriyaya ordu yeritməsilə bağlı sorğu keçirsən, hamı yox deyəcək. Bizim türklər kimi suriyalılarla ortaqlığımız yoxdur. Türkiyə Səudiyyə Ərəbistanı və Qətərlə birgə Rusiyanı bölgədə güclənməsini durduracaq addımlar ata bilər. Əsəd hakimiyyətdə qaldığı müddət ərzində İŞİD-lə ciddi formada heç bir savaş olmayacaq".