Fevralın 24-dən Ukraynaya genişmiqyaslı müharibəyə başlayan Rusiya nəinki böyük canlı qüvvəsini, həm də silah və hərbi texnikasını sürətlə itirir. Buna görə Rusiyada bu ilin sonuna kimi artilleriya və zirehli texnikalar üçün mərmilər tükənəcək.

Axar.az xəbər verir ki, bu barədə “İnsider” məlumat yayıb.

Məlumata bildirilir ki, Rusiyanın hələ də istifadə etdiyi sovet mərmiləri var. Ancaq bu mərmilərin də ömrünə az qalıb. Rusiya ordusu bu problemlə hələ 2002-ci ildə üzləşmişdi. Sonra hərbçilər əsas kalibrli mərmi çatışmazlığını hiss etdilər:

“Bu arsenal təkcə iki çeçen müharibəsi, qısamüddətli gürcü kampaniyası ilə deyil, həm də 2014-2015-ci illərdə Ukraynadakı hərbi vəziyyətdə və böyük ehtimalla Suriyada çox istifadə olunub”.