2000-ci ildə rusiyalı oliqarx Boris Berezovski Rusiyanın Suriyaya girəcəyi haqqında məlumat vermişdi.

Axar.az xəbər verir ki, bu sözlər Litvinenko Fondunun rəhbəri Aleksandr Qoldfarbın "Exo Moskva"dakı yazısında yer alıb. Onun sözlərinə görə, Berezovski 2000-ci ildəki müraciətində sətiraltı ifadələrlə Putinin Suriya hücumu barədə məlumat verib. Qoldfarb bundan sonra Berezovskinin məktubundan sitat səsləndirib. Həmin sitatı təqdim edirik:

"Sizin KİV-i niyə nəzarət altına aldığınız aydındır. Sizin xalqı idarəetməniz asanlaşacaq, xalqın yaşayışı rahatlaşacaq, üstəlik, arzulanmaz sualların sayı azalacaq. Günlərin bir günü insanlar yerindən oyananda öyrənəcəklər ki, onlar hamısı bir ağızdan rus ordusunun hansısa uzaq bir ölkəyə qardaş yardımı etməsinə vahid şəkildə səs veriblər".

Qeyd edək ki, rusiyalı siyasətçi Berezovski 2003-cü ildə Böyük Britaniyaya qaçaraq, ömrünün sonuna qədər orada yaşayıb. O, Putinin əsas opponentlərindən hesab edilirdi. 2013-cü ildə evində ölü tapılıb.