"İraq Şam İslam Dövləti" təbliğat materiallarının və videoçarxların təbliğatında Messencerin mobil proqramı olan "Teleqram"dan istifadəyə start verib.

Axar.az BBC-yə istinadən xəbər verir ki, terror təşkilatı öz videoçarxlarını, fotoşəkillərini və digər materiallarını istifadəçilərlə bölüşməyin asan yolunu tapıb.

Tvitter sosial şəbəkəsində server tərəfindən mütəmadi olaraq bloklanan təşkilat artıq öz mesajlarını ictimaiyyətə "Teleqram" mobil şəbəkəsi ilə ötürə bilir.

Qeyd edək ki, Messencerin yaradıcısı Pavel Durov İŞİD-in "Teleqram" vasitəsilə təbliğat aparması ilə bağlı ittihamlara cavab olaraq "əgər bu sosial şəbəkə olmasaydı, terrorçular istənilən başqa bir şəbəkədən asanlıqla istifadə edəcəkdilər", - deyə münasibət bildirib.