Türkiyənin Şırnak əyalətində əməliyyatdan qayıdan əsgərlərə qarşı hücum təşkil edilib.

Axar.az xəbər verir ki, hücumda bir əsgər şəhid olub, 2 əsgər və 2 meşəbəyi yaralanıb.

Verilən məlumata görə, təhlükəsizlik qüvvələri tərəfindən Cudi dağındakı PKK terror təşkilatına aid mövqelərə əməliyyat təşkil edilib. Əməliyyatdan sonra öz mövqelərinə qayıdan əsgərlərə terror yaraqlıları iri çaplı silah və raketlərdən hücum edib.

Əsgərlərin qarşılıq verməsi ilə baş verən atışmada yaralananlar xəstəxanaya yerləşdirilib. Təcili müdaxiləyə rəğmən ağır yaralanan bir əsgərin həyatını xilas etmək mümkün olmayıb.