Türkiyənin suriyalı qaçqınlara etdiyi yardımların fərqinə çox gec vardıq.

Axar.az xəbər verir ki, bu sözləri jurnalistlərə açıqlamasında İsveçrə Konfederasiyasının Prezidenti Simonetta Sommaruqa deyib. O bildirib ki, Avropa Birliyi və İsveçrə Türkiyəyə daha çox maliyyə yardımı etməlidir:

"Türkiyənin suriyalı qaçqınlar üçün etdiyi yardımların fərqinə çox gec vardıq. Livan və İordaniyaya daha çox diqqət yetirdik. Bu ölkələrə maliyyə yardımı etdik. Türkiyə isə böyük və zəngin dövlətdir. Bu dövlət miqrantlar üçün hər şey edir. Təəssüf ki, biz bunu çox gec anladıq. Onu da qeyd edim ki, İsveçrə də miqrantlara münasib şərait yaradır".