Səudiyyə Ərəbistanı təcavüzkarları bir neçə gün içində məhvedici cavabımıza şahid olacaqlar. Onların hücumlarına layiqli cavab verəcəyik və qəfil yaxalayacayıq.

Axar.az xəbər verir ki, belə bir bəyanatla Yəmən ordusunun mətbuat katibi Şərəf Qalib Loğman çıxış edib.

Onun sözlərinə görə, bu təcavüz müqabilində Yəmən xalqının müqaviməti heç vaxt dayanmayacaq və xalq meydanı tərk etməyəcək.

Ordu sözçüsü hesab edir ki, Səudiyyə mat vəziyyətdə qalacaq.

Qeyd edək ki, Səudiyyə Ərəbistanı və müttəfiqlərinin martın 26-dan Yəmənə qarşı hərbi əməliyyatlar həyata keçirir. Nəticədə minlərlə mülki vətəndaş həyatını itirib, on minlərlə insan yaralanıb.