Miqrant böhranı Almaniya kansleri Angela Merkelin vəzifədən getməsi ilə nəticələnəcək.

Axar.az xəbər verir ki, bunu İngiltərənin "Faynənşl Tayms" qəzetinin köşə yazarı Qideon Raçman yazıb.

O bildirib ki, Merkel postunda qalması üçün qışa doğru miqrant axının qarşısını almalı və Türkiyə ilə yeni danışıqlara başlamalıdır:

"Angela Merkel Avropanın ən uğurlu siyasətçidir. Üç seçki dönəmindən qalib çıxıb. Eyni zamanda Avropada şəxsi nüfuzu olduqca yüksəkdir. Lakin bütün bunlara baxmayaraq, yaranmış miqrant axını problemi Merkelə ciddi zərbə vuracaq və o hakimiyyətini itirəcək".

Müəllif onu da qeyd edib ki, Almaniya hökuməti mövcud duruma nəzarəti itirib. Raçmanın fikrincə, bu ölkənin Merkelin dövründə yaşadığı qızıl dövr sona çatıb.